The news is by your side.

ن لیگی رہنما ضمنی الیکشن میں شکست کے بعد اخلاقیات بھی بھول گئے

فیصل آباد: مسلم لیگ ن کے رہنما عابد شیرعلی نے بیوروکریسی کو سرعام دھمکیاں دیں اور نازیبا لفاظ استعمال کئے۔

تفصیلات کے مطابق مسلم لیگ ن کے رہنما ضمنی الیکشن میں شکست کے بعد اخلاقیات بھی بھول گئے۔

ن لیگی رہنما سابق وزیرمملکت عابد شیرعلی نے بیوروکریسی کو سرعام دھمکیاں دیں ،عابدشیر علی کی ڈ ی سی فیصل آباد کودھمکیاں دینے کی فوٹیج سامنے آگئی ہے۔

عابد شیر علی نے کارکنوں کےبیچ ڈی سی فیصل آباد شیخ حامد کیلئے نازیبا لفاظ استعمال کئے اور کہا ہم لوگ تمہیں تمہارے دفتر سے نکال کر نشان عبرت بنائیں گے۔

عابد شیر علی کے ضلعی افسران کو گالیاں اور دھمکیاں دینے پر شہریوں میں بھی غم وغصہ ہیں۔

یاد رہے مسلم لیگ ن کے رہنما عابد شیر علی نے ایس پی کے دفتر کو آگ لگانے کی دھمکی دی تھی۔

پولیس کا کہنا تھا کہ تھانہ سرگودھا روڈ کے کانسٹیبل امتیاز نے رپورٹ جمع کرادی، شہری عدنان نے فراڈ کیس کے اندراج کیلئے درخواست دی۔

پولیس نے بتایا تھا کہ درخواست میں عابد شیر علی اور ان کے بھائی سمیت 4 ملزمان کو نامزد کیا ہے جبکہ درخواست میں فراڈ سے کروڑوں روپے خوردبرد ،ہراساں کرنے کے الزامات بھی عائد کئے گئے ہیں۔

Comments

یہ بھی پڑھیں