آسٹریلیا کے خلاف ٹیسٹ سیریز سے قبل قومی کرکٹ ٹیم کے اہم اسپنر انجری کا شکار ہوگئے۔
قومی کرکٹ ٹیم کے اسپنر ابرار نے احمد کینبرا میں پرائم منسٹرالیون کے خلاف چار روزہ میچ کے تیسرے روز 8 اوورز کے بعد دائیں ٹانگ میں تکلیف کی شکایت کی، جس کے بعد انہیں گراؤنڈ سے باہر بھیج دیا گیا۔
ابرار احمد کی انجری سے متعلق پاکستان کرکٹ بورڈ (پی سی بی) نے اعلامیہ جاری کیا، جس میں کہا گیا ہے کہ ابرار احمد کو ٹانگ میں تکلیف کے بعد ایم آر آئی اسکین کیلئے بھیج دیا گیا ہے۔
Update on Abrar Ahmed
Details here ⤵️ https://t.co/SU5MkkEteV
— PCB Media (@TheRealPCBMedia) December 8, 2023
پی سی بی کا کہنا ہے کہ میڈیکل پینل ایم آر آئی رپورٹس کا جائزہ لینے کے بعد تفصیلات سے آگاہ کرےگی، ابرار نے پرائم منسٹر الیون کے خلاف کھیل میں اب تک کل 27 اوورز کرائے ہیں۔
چار روزہ میچ آسٹریلیا کے خلاف تین میچوں کی ٹیسٹ سیریز سے قبل پاکستان کی تیاری کے ایک حصے کے طور پر شیڈول کیا گیا تھا، آسٹریلیا کے خلاف یہ سیریز 14 دسمبر 2023 سے 7 جنوری 2024 تک کھیلی جائے گی۔
