نارووال: تحریک انصاف کے رہنما اور ہلال احمر کے چیئرمین و پاکستانی گلوکار ابرار الحق بھی کورونا وائرس کا شکار ہوگئے۔
سماجی رابطے کی ویب سائٹ ٹوئٹر پر کورونا میں مبتلا ہونے کی اطلاع دیتے ہوئے ابرارالحق نے بتایا کہ کورونا ٹیسٹ مثبت آیا ہے۔
My corona test came positive, i am home quarantined, however ,inshahallah, i will keep performing my duties through Skype as Red Crescent and Sahara worker. Please pray for me and all those fighting it.
— Abrar Ul Haq (@AbrarUlHaqPK) May 31, 2020
انہوں نے لکھا کہ کورونا ٹیسٹ مثبت آنے پر خود کو گھر میں قرنطینہ کر لیا ہے، ہلال احمر اور سہارا کےلیے اپنی خدمات بذریعہ اسکائپ و آن لائن گھر سے ہی انجام دیتا رہوں گا۔
ابرار الحق نے دعاؤں کی درخواست کرتے ہوئے کہا ہے کہ مجھ سمیت تمام کورونا مریضوں کے لیے خصوصی دعائیں کی جائیں۔
گزشتہ روز ابرار الحق نے علامات ظاہر ہونے پر کورونا ٹیسٹ کروایا تھا جس کا نتیجہ آیا موصول ہوا، سماجی رہنما کا کہنا تھا کہ گزشتہ رات سے بخار اور خشک کھانسی ہے، جس کا میں نے ڈاکٹر کو بتایا تو انہوں نے ٹیسٹ کروانے کا مشورہ دیا۔