گلوگار ابرارالحق کی نئی البم ’بلو ریٹرن‘ کو اے آروائی میڈ ان پاکستان کے زیر اہتمام ریلیز کردی گئی،شو میں معروف گلوکاروں نے بھی اپنی آواز کا جادو جگاکر حاضرین کے دل موہ لیے۔
ڈاون لوڈنگ اور پائریسی کے اس دورمیں اے آر وائی نے میڈان پاکستان کے جذبے کو اجاگر کرتے ہوئے ابرارالحق کا البم بلوریٹرن ریلیز کردیا۔
ابرار الحق کے البم کی لانچنگ کے لئے لاہور کے بحریہ ٹاؤن میں ایک رنگا رنگ اورمنفرد تقریب کاانعقاد کیا گیا جس میں شوبز کے آسماں کے درخشاں ستاروں سمیت مداحوں کی کثیر تعداد نے شرکت کی۔
بحریہ ٹاون لاہور میں اے آر وائی کے زیر اہتمام ابرارالحق کے لائیو شو میں شائقین موسیقی کا ٹھاٹھے مارتے ہوا سمندر اپنے من پسند گلوکار کے گیتوں پر جھومتا رہا ۔
نو سال کے وقفے کے بعد گلوکار ابرارالحق کے نئے البم کو سپورٹ کرنے کےلیے گلوکار سلمان ، طارق طافو ، شاہ زمان اور فن موسیقی سے تعلق رکھنے والی اہم شخصیات کی کثیر تعداد نے بھی شرکت کی۔
