The news is by your side.

Advertisement

ابوظبی، عدالتی فیصلے نے معذور شخص کو نئی زندگی دے دی

ابوظبی: متحدہ عرب امارات کے شہر ابوظبی اپیل کورٹ کے فیصلے نے ٹریفک حادثے میں معذور ہونے والے شخص کو نئی زندگی دے دی۔

عرب میڈیا کے مطابق ابوظبی اپیل کورٹ نے ہوم ڈلیوری سروس ڈرائیور کو انشورنس کمپنی سے ڈیڑھ لاکھ درہم معاوضہ دلانے کا حکم جاری کردیا، ہوم ڈلیوری ڈرائیور ٹریفک حادثے کے نتیجے میں مستقل طور پر مفلوج ہوگیا تھا۔

ڈرائیور نے ابوظبی کی پرائمری کورٹ میں انشورنس کمپنی کے خلاف دعویٰ دائر کیا تھا اور درخواست کی تھی کہ مدعا علیہا سے ایک لاکھ بیس ہزار درہم معاوضہ دلوایا جائے۔

حادثے میں زخمی ہونے والے ڈرائیور نے مطالبہ کیا تھا کہ مقدمے کے اخراجات اور وکیل کی فیس بھی انشورنس کمپنی ادا کرے۔

پرائمری کورٹ نے ڈرائیور کے حق میں فیصلہ دیا تھا تاہم انشورنس کمپنی نے عدالت کا فیصلہ مسترد کرتے ہوئے اپیل کورٹ سے رجوع کیا تھا جہاں عدالت نے ڈرائیور کو ڈیڑھ لاکھ درہم معاوضہ دینے کا فیصلہ سنایا۔

انشورنس کمپنی نے اپیل کورٹ سے رجوع کرتے ہوئے معاوضے کی رقم 45 ہزار درہم کرنے کی درخواسست کی تھی۔

عدالت نے فریقین کے وکلا کے بیان سننے کے بعد سابقہ عدالت کے فیصلے کو مدنظر رکھتے ہوئے ڈیڑھ لاکھ درہم معاوضے سے متعلق فیصلے کی توثیق کردی۔

Comments

یہ بھی پڑھیں