The news is by your side.

’آپریشن سیکریٹ‘ یو اے ای پولیس نے منشیات کی بڑی کھیپ پکڑلی

ابوظبی: یو اے ای میں پولیس نے کامیاب کارروائی کرتے ہوئے گینگ کے چھ رکنی گروہ کو گرفتار کرکے منشیات کی بڑی کھیپ پکڑ لی۔

عرب میڈیا کی رپورٹ کے مطابق ابوظبی پولیس نے ملزمان کو گرفتار کرکے ان کے قبضے سے 107 کلو گرام منشیات برآمد کرلی۔پولیس کا بتانا ہے کہ گرفتاریاں آپریشن سیکریٹ ہائیڈ آؤٹ کے نتیجے میں عمل میں آئیں۔

بریگیڈیئر جنرل طاہر الظہیری کا کہنا ہے کہ ’پولیس مشتبہ افراد کی نقل و حرکت پر نظر رکھے ہوئے تھی جب وہ منشیات کو دفن کرنے کی کوشش کررہے تھے تو انہیں رنگے ہاتھوں گرفتار کیا گیا۔

انہوں نے بتایا کہ ’اتھارٹی منشیات فروشوں کے خلاف کارروائی کے لیے جدید ترین ٹیکنالوجی اور دیگر طریقہ کار استعمال کرتی ہے۔

بریگیڈیئر جنرل طاہر الظہیری نے بتایا کہ ’ملزمان کئی خفیہ مقامات پر منشیات چھپانے میں ماہر تھے، انہیں کامیاب حکمت عملی کے تحت گرفتار کیا گیا۔

انہوں نے کہا کہ شہری کسی بھی مشکوک سرگرمی کی اطلاع فوری پولیس کو دیں، اس طرز عمل سے کمیونٹی کو منشیات کے استعمال کے خطرات سے بچایا جا سکتا ہے۔

Comments

یہ بھی پڑھیں