The news is by your side.

Advertisement

ابوظبی : لاک ڈاؤن میں دوسری بار توسیع

ابوظبی : متحدہ عرب امارات کے حکام نے کورونا وائرس کی موجودہ صورتحال کے پیش نظر لاک ڈاؤن میں دوسری مرتبہ توسیع کا حکم نامہ جاری کیا ہے۔

تفصیلات کے مطابق کورونا کے کیسز میں اضافہ کو مدنظر رکھتے ہوئے اور اس کے پھیلاؤ کو روکنے کے لیے متحدہ عرب امارات نے ابوظہبی میں داخلے اور  باہر جانے  پر عائد پابندی میں منگل کو 16 جون سے مزید ایک ہفتے کے لیے توسیع کردی ہے۔

متحدہ عرب امارات میں شامل دیگر شہروں کے افراد ابوظبی، العین اور الظفرہ میں داخل نہیں ہوسکتے اور ابوظہبی کے شہری دوسرے کسی بھی امارتی شہروں میں نہیں جاسکتے ہیں۔

یو اے ای کی سرکاری خبررساں ایجنسی کے مطابق ابو ظبی کی ہنگامی اور کرائسز کمیٹی برائے کورونا نے پیر کو ابوظبی پولیس اور محکمہ صحت کے ساتھ بات چیت کے بعد امارات اور اس میں شامل علاقے العین اور الظفرہ میں لوگوں کے دخول اور خروج پر عائد پابندی میں مزید ایک ہفتے کی توسیع کا فیصلہ کیا ہے۔

متحدہ عرب امارات کی دارالحکومت ابوظہبی میں دو جون کو کرونا وائرس کے پیش نظر نقل وحرکت پر پابندی عائد کر دی گئی تھی۔ اس میں دوسری مرتبہ توسیع کی گئی ہے۔

دریں اثناء امارات ائیرلائنز کا ایک مسافر طیارہ پیر کو دبئی سے بحرین کے بین الاقوامی ہوائی اڈے پر پہنچ گیا ہے، اس طرح دبئی اور بحرین کے درمیان پروازیں باضابطہ طور پر بحال ہوگئی ہیں۔

Comments

یہ بھی پڑھیں