ابوظبی پولیس نے بیمار بچے کی ایک دن کے لیے پولیس چیف بننے کی خواہش پوری کردی۔
عرب میڈیا کی رپورٹ کے مطابق ابوظبی پولیس نے بیمار بچے کو ایک دن کے لیے پولیس چیف بنایا اور اسے وردی پہنا کر استقبالیہ بھی دیا گیا۔
ورجنینا انٹرنیشنل پرائیویٹ اسکول کے 9 سالہ طالب علم خلیفہ نے ابوظبی کے الرودہ پولیس اسٹیشن میں اپنا خواب پورا کیا۔
#أخبارنا |#شرطة_أبوظبي تسعد طفلاً من أصحاب الهمم
التفاصيل : https://t.co/Qn22TMuRN4#أخبار_شرطة_أبوظبي pic.twitter.com/SCFYeTm8m6
— شرطة أبوظبي (@ADPoliceHQ) December 8, 2021
بچے کو پولیس ڈیپارٹمنٹ کی جانب سے وردی دی گئی، بچے کو اسٹیشن کا جدید کنٹرول سینٹرل بھی دکھایا گیا اور پولیس موبائل میں سوار ہونے کی اجازت بھی دی گئی۔
اسٹیشن کے سربراہ کرنل ترش محمد الکعبی نے بتایا کہ اس اقدام کا مقصد بچے کو اپنا علاج جاری رکھنے اور امید پیدا کرنے کی ترغیب دینا ہے۔
انہوں نے کہا کہ متحدہ عرب امارات کے 50ویں قومی دن اور معذور افراد کے عالمی دن کے موقع پر خلیفہ کی خواہش پوری ہونے پر خوش ہیں۔
