ابوظہبی : متحدہ عرب امارات کے شہر ابوظہبی کے سیکیورٹی حکام نے گذشتہ برس ایک عرب 2 کروڑ درہم کی غیر قانونی مانع حمل ادویات ضبط کی تھیں۔
تفصیلات کے مطابق متحدہ عرب امارات کے شہر ابوظہبی میں گذشتہ برس میں سیکیورٹی اداروں اور سرکاری افسران کی جانب سے متعدد کارروائیوں میں 1 ارب 2 کروڑ درہم مالیت کی غیر قانونی ادویات کو ضبط کی گئی تھیں۔
ابوظہبی پولیس کے کمانڈر کا کہنا ہے کہ گذشتہ برس قبضے میں لی گئی دواؤں میں حمل زائل کرنے والی ادویات کی تعداد زیادہ تھی۔
پولیس کمانڈر کا کہنا تھا کہ سیکیورٹی حکام نے گذشتہ برس متعدد کارروائیوں کے دوران قبضے میں لی گئی مانع حمل ادویات کی مالیت 1 ارب درہم سے زائد ہے۔
ترجمان کا کہنا ہے کہ دبئی کے سیکیورٹی حکام کی جانب سے تجارتی طور دھوکا دہی اور جعلسازی کی روک تھام کے لیے متحدہ عرب امارات کے بازاروں میں مزید سختی کردی گئی ہے۔
انہوں نے میڈیا کو بتایا کہ سرحدوں پر سختی علاقائی خفیہ اداروں کے ذریعے عالمی سطح پر کام کرنے والے خفیہ اداروں سے معلومات کے تبادلے کے بعد کی گئی ہے۔
محمد کلفان کا کہنا تھا کہ ابوظہبی کے ماہرین منشیات کے پاس ادویات کا جائزہ لینے کے لیے جدید آلات موجود ہیں، ’متحدہ عرب امارت کے ادارے منشیات اور جعلی اشیاء کا جائزہ لینے کے لیے دنیا کے بہترین آلات کا استعمال کرتا ہے‘۔
دبئی: محمکہ صحت کی کارروائی، غیرقانونی ادویات کے 76،560 پیکیٹ برآمد
یاد رہے کہ گذشتہ ماہ متحدہ عرب امارات کے شہر دبئی میں محمکہ صحت اور ڈرگ ریگولیٹراتھارٹی نے اپارٹمنٹ پر چھاپہ مار کارروائی کرتے ہوئے ذخیرہ کی گئی غیر قانونی اور ناقص ادویات کے 76،560 پیکٹ ضبط کیے تھے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
