ابوظہبی ٹیسٹ: انگلینڈ کے کپتان کی شاندار سینچری، ایک وکٹ کے نقصان پر 170 رنز -
The news is by your side.

Advertisement

ابوظہبی ٹیسٹ: انگلینڈ کے کپتان کی شاندار سینچری، ایک وکٹ کے نقصان پر 170 رنز

ابوظہبی: پاکستان اور انگلینڈ کے درمیان ابوظہبی ٹیسٹ میں تیسرے دن کا کھیل جاری ہے، انگلینڈ کی ٹیم 523 رنز کے تعاقب میں بیٹنگ کر رہی ہے، اب سے کچھ دیر قبل تک انگلینڈ نے ایک وکٹ کے نقصان پر 170 رنز بنا لیے ہیں۔

ابوظہبی میں کھیلے جا رہے پہلے ٹیسٹ میچ کے تیسرے دن انگلینڈ نے اپنی پہلی نامکمل اننگ 56 رنز بغیر کسی نقصان کے شروع کی تو معین علی اور کپتان ایلسٹر کک نے بیٹنگ کا آغاز کیا.

پاکستان کو پہلی کامیابی اس وقت ملی جب عمران خان نے معین علی کو 35 رنز پر آؤٹ کیا.

جس کے بعد آئن بیل کپتان ایلسٹر کک کا ساتھ دینے آئے اور کھانے کے وقفے تک انگلینڈ نے ایک وکٹ کے نقصان پر 122 رنز بنالئے تھے، کھانے کے وقفے کے بعد کپتان ایلسٹر کک نے ٹیسٹ کرکٹ میں اپنی 28ویں سنچری مکمل کی۔

گزشتہ روز پاکستان نے پہلی اننگز آٹھ وکٹوں کے نقصان پر 523 رنز پر ڈیکلیئر کر دی تھی، اننگز ڈیکلیئر کیے جانے کے بعد انگلینڈ کی جانب سے الیسٹر کک اور معین علی میدان میں اترے اور کھیل کے اختتام تک بغیر کسی نقصان کے 56 رن بنائے۔

جب کھیل ختم ہوا تو انگلینڈ کو پاکستان کی پہلی اننگز کی برتری ختم کرنے کے لیے مزید 467 رنز درکار تھے۔

Comments

comments

یہ بھی پڑھیں