تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ابوظہبی کا بڑا اقدام، اہم پابندی عائد

متحدہ عرب امارات کی سب سے بڑی ریاست ابوظہبی میں پلاسٹک کے شاپنگ بیگز پر پابندی لگانے کا فیصلہ کیا ہے۔

اماراتی میڈیا کے مطابق یہ پابندی ماحولیاتی اتھارٹی کی جانب سے عائد کی جارہی ہے جس کا اطلاق یکم جون سے ہو گا۔

اتھارٹی کا کہنا ہے کہ ایک بار استعمال ہونے والے پلاسٹک بیگز، تھیلوں پر پابندی کا فیصلہ ماحولیات کو بہتر بنانے کے لیے لگائی جارہی ہے۔

اتھارٹی نے خبردار کیا ہے کہ پلاسٹک کے شاپنگ بیگز استعمال کے بعد درست طریقے سے تلف نہ کیے جائیں تو وہ سمندری اور زمینی ماحول کی خرابی کا بڑا سبب بنتے ہیں جس سے آبی حیات اور پرندوں کی ہلاکتیں ریکارڈ ہوئی ہیں۔

اتھارٹی کی جانب سے کہا گیا ہے کہ سال 2024 تک اسٹائروفوم کے مادے سے تیار کردہ کپ، پلیٹیس اور کھانا رکھنے کے ڈبوں کے استعمال پر بھی مرحلہ وار پابندی عائد کی جائے گی اور اس متعلق عوامی آگاہی کے لیے مہم چلائی جائے گی۔

معاشرے میں پلاسٹک کی بوتلیں، پلیٹس اور کھانے کے ڈبوں کے استعمال سے ہونے والے نقصانات کے بارے میں شہریوں میں شعور پیدا کیا جائے گا۔

Comments

- Advertisement -