ورلڈ کپ میں سری لنکا کے خلاف قومی ٹیم کے اوپنر عبداللہ شفیق نے شاندار سنچری جڑ دی۔
حیدرآباد میں کھیلے جارہے میچ میں سری لنکا نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 344 رنز بنائے اور پاکستان کو جیت کے لیے 345 رنز کا ہدف دیا ہے۔
ہدف کے تعاقب میں قومی ٹیم کی ابتدائی دو وکٹیں 37 رنز پر گریں جب بابر اعظم 10 اور امام الحق 12 رنز بنا کر پویلین لوٹ گئے۔
دو وکٹیں گرنے کے بعد اوپنر عبداللہ شفیق اور محمد رضوان نے 150 سے زائد رنز کی پارٹنر شپ بنائی۔
View this post on Instagram
عبداللہ شفیق نے سری لنکا کے خلاف کیریئر کی پہلی سنچری بنا ڈالی، اوپنر بیٹر نے 97 گیندوں پر 103 رنز بنائے ہیں، انہوں نے 8 چوکے اور تین چھکوں کی مدد سے سنچری اسکور کی ہے۔
View this post on Instagram
واضح رہے کہ اس سے قبل سری لنکا نے مقررہ اوورز میں 9 وکٹوں کے نقصان پر 344 رنز بنائے تھے۔
کوشال مینڈس نے شاندار سنچری اسکور کرتے ہوئے 122 رنز بنائے، سدیرا سمارا وکرما نے 89 گیندوں پر 108 رنز کی اننگز کھیلی۔
پتھن نسانکا 51 رنز کے ساتھ نمایاں رہے۔
پاکستان کی جانب سے حسن علی نے چار کھلاڑیوں کو پویلین کی راہ دکھائی تھی جبکہ حارث رؤف دو وکٹیں حاصل کرسکے تھے۔
