کراچی : شرجیل انعام میمن و دیگر کے خلاف کرپشن ریفرنس پرسماعت کے دوران عدالت نے ریمارکس دیے کہ نیب پراسیکیوٹراور ملزمان کے وکلا آئندہ سماعت پر حاضری یقینی بنائیں۔
تفصیلات کے مطابق احتساب عدالت میں پیپلزپارٹی کے رہنما اور سابق صوبائی وزیر اطلاعات و نشریات شرجیل انعام میمن ودیگر کے خلاف 5 ارب سے زائد کرپشن ریفرنس پرسماعت ہوئی۔
سابق صوبائی وزیراطلاعات ونشریات شرجیل انعام میمن اور دیگر ملزمان کو احتساب عدالت میں پیش کیا گیا۔
احتساب عدالت نے ریمارکس دیے کہ کبھی نیب پراسیکیوٹرتو کبھی درخواست گزار کے وکیل غائب ہوجاتے ہیں، گواہ پر جرح ایک ماہ سے تاخیر کا شکار ہے۔
عدالت نے ریمارکس دیے کہ اس طرح اگرکیس چلا تو کئی سال ہوجائیں گے نتیجہ کچھ نہیں نکلے گا، نیب پراسیکیوٹراور ملزمان کے وکلا آئندہ سماعت پر حاضری یقینی بنائیں۔
بعدازاں احتساب عدالت نے شرجیل انعام میمن و دیگر کے خلاف کرپشن ریفرنس پرسماعت 9 مارچ تک کے لیے ملتوی کردی۔
شرجیل میمن کے خلاف کرپشن ریفرنس کی سماعت 25 فروری تک ملتوی
یاد رہے کہ 9 فروری کو احتساب عدالت نے سماعت کے دوران نیب کی جانب سے گواہ کی عدم پیشی اورپراسیکیوٹر کی عدم حاضری پراحتساب عدالت نے برہمی کا اظہار کیا تھا۔
