بھارتی ریاست حیدرآباد میں سوئے ہوئے ماں بیٹے پر قیامت ٹوٹ پڑی۔
بھارتی میڈیا رپورٹ کے مطابق ضلع پرکاشم میں افسوسناک واقعہ رونما ہوا ہے جہاں ہائی وولٹیج کے باعث پھٹ گیا جس کے نتیجے میں ماں اور بیٹا شدید زخمی ہوئے۔
رات کے پہر علاقے میں دھماکے سے خوف کی فضا پھیلی گئی، اہل محلہ نے ایک دوسرے سے بازپرس کی تو پتہ چلا کہ سری دیوی کے گھر میں ہائی وولٹیج کے باعث اے سی پھٹا ہے۔
اہل محلہ فوری طور پر متاثرہ گھر پہنچے تو یہ دیکھ کر انکے پیروں تلے زمین نکل گئی کہ دونوں ماں بیٹے بُری طرح خون میں لت پت ہیں اور اے سی کا انر کمرے میں گرا ہوا ہے۔
رپورٹ کے مطابق دونوں ماں بیٹوں کو طبی امداد کے لئے اونگول کے اسپتال منتقل کیا گیا جہاں دوران علاج سری دیوی جان کی بازی ہارگئیں جبکہ بیٹا سائی تیجا شدید زخمی حالت میں اسپتال میں زیرعلاج ہے۔
اہل محلہ نے بتایا کہ سری دیوی کے شوہر کا چار سال قبل انتقال ہوچکا ہے دونوں ماں بیٹے ہی اس گھر میں رہائش پزیر تھے۔
