اسلام آباد: سابق وزیرِ اعظم نواز شریف کے خلاف 2 ریفرنسز کا فیصلہ آج سنایا جائے گا، پورے ملک کی نگاہیں احتساب عدالت پر مرکوز ہو گئی ہیں۔
تفصیلات کے مطابق پاکستان مسلم لیگ ن کے قائد نواز شریف کے خلاف العزیزیہ اسٹیل ملز اور فلیگ شپ ریفرنس کا فیصلہ آج سنایا جائے گا، لوگ فیصلے کے منتظر ہیں کہ نواز شریف گھر جائیں گے یا جیل۔
[bs-quote quote=”نواز شریف عدالت میں فیصلہ سننے کے لیے موجود ہوں گے۔” style=”style-7″ align=”left” color=”#dd3333″][/bs-quote]
احتساب عدالت کی جانب سے فیصلہ سننے کے لیے لیگی قائد اسلام آباد میں موجود ہیں۔
فیصلہ خلاف میں آنے کی صورت میں پاکستان مسلم لیگ ن محاذ آرائی کا راستہ اختیار کرے گی یا خاموشی کا، شریف برادران نے گزشتہ روز مشاورت کے بعد حکمتِ عملی تیار کر لی ہے۔
فیصلہ احتساب عدالت کے جج محمد ارشد ملک سنائیں گے، جن کے سامنے نواز شریف اب تک 60 مرتبہ پیش ہو چکے ہیں۔
یہ بھی پڑھیں: العزیزیہ ریفرنس: نواز اور شہباز کی ملاقات، لائحہ عمل طے
یاد رہے کہ 19 دسمبر کو احتساب عدالت نے سابق وزیرِ اعظم نواز شریف کے خلاف کرپشن ریفرنسز پر فیصلہ محفوظ کیا تھا۔
احتساب عدالت نمبر 1 اور 2 میں سابق وزیرِ اعظم کے خلاف نیب ریفرنسز کی مجموعی طور پر 183 سماعتیں ہوئیں، نواز شریف مجموعی طور پر 130 بار احتساب عدالت کے روبرو پیش ہوئے۔
