ایشین کرکٹ کونسل کے صدر محسن نقویٰ نے ویمنز ایمرجنگ ایشیا کپ اچانک ملتوی کرنے کا اعلان کیا ہے۔
ایشین کرکٹ کونسل (اے سی سی) کی جانب سے جاری اعلامیے کے مطابق 3 جون سے سری لنکا میں ہونے والا ویمنز ایمرجنگ ایشیا کپ کرکٹ ٹورنامنٹ ملتوی کردیا گیا ہے۔
اےسی سی نے ویمنز امرجنگ ایشیاکپ ملتوی کرنے کا اعلان کرتے ہوئے بتایا کہ سری لنکا میں خراب موسم اور چکن گونیا وائرس کے باعث ٹورنامنٹ ملتوی کیا گیا ہے۔
View this post on Instagram
اے سی سی کا کہنا ہے کہ ویمنز امرجنگ ایشیاکپ کی نئی تاریخوں کا اعلان بعد میں کیا جائے گا، ہم تمام حصہ لینے والی ٹیموں اور کھلاڑیوں کی حمایت کے لیے ان کا شکریہ ادا کرتے ہیں۔
ایشین کرکٹ کونسل (اے سی سی) صدر محسن نقویٰ نے کہا کہ سری لنکا کرکٹ بورڈ کی جانب سے موسم کی صورتحال کی وجہ سے ٹورنامنٹ ملتوی کرنے کی درخواست کی گئی تھی۔
صدر اے سی سی محسن نقوی کا کہنا ہے کہ اے سی سی نوجوان خواتین کو مواقع فراہم پر یقین رکھتی ہے اور مہارت میں بہتری اور مقابلے فراہم پر یقین رکھتے ہیں، جلد نئی تاریخ کا اعلان کیا جائے گا۔
