مانسہرہ : پولیس نے چار ماہ قبل بالا کوٹ میں بارہ سالہ بچی سے زیادتی کرنے والے ملزم کو گرفتار کرلیا گیا۔
تفصیلات کے مطابق چار ماہ قبل تحصیل بالاکوٹ کے علاقے پارس میں بکریاں چرانے والی بارہ سالہ بچی کے ساتھ جنگل میں منہ کالا کرنے والے درندہ صفت ملزم افضل کی ویڈیو منظر پرآنےکےبعد تھانہ پارس پولیس نےمتاثرہ بچی کےچچا کی مدعیت میں مقدمہ درج کرکےملزم افضل کوگرفتارکرلیاجبکہ
مقدمہ میں نامزد شریک جرم خاتون ملزمہ نےعدالت سے ضمانت قبل از گرفتاری حاصل کرلی۔
ڈی پی او مانسہرہ شفیع اللہ گنڈا پور نے شہریوں سے اپیل کی ہے بلاخوف وخطرمعاشرے کے ناسوروں اور جرائم پیشہ افراد کے خلاف نشاندہی اور مقدمات درج کروائیں مانسہرہ پولیس ان کی ہر سطح ہر مددگار ثابت ہوگی۔
یاد رہے شیخوپورہ میں خواتین ٹیچرز اور طلبا سے مبینہ زیادتی کرنے والے اسکول پرنسپل کو گرفتار کیا گیا تھا۔
پولیس کے مطابق تھانہ بی ڈویژن کی حدود میں طلبا نے ملزم کی حرکات سے متعلق والدین کو بتایا، جس پر کارروائی کرتے ہوئے ملزم کو گرفتار کیا۔
نجی اسکول پرنسپل ارسلان کے زیادتی کی ویڈیوز فروخت کرنے کا انکشاف بھی ہوا تھا۔
