لاہور: ساندہ میں بچی سے زیادتی کے ملزم کو گرفتار کرلیا گیا ، 8 سالہ بچی کو 12سال کے احمد نے زیادتی کا نشانہ بنایا تھا۔
تفصیلات کے مطابق پولیس نے لاہور کے علاقے ساندہ میں 8 سالہ بچی سے زیادتی کے ملزم کو گرفتار کرلیا ، اس حوالے سے انچارج انویسٹی گیشن مہدی کاظمی نے بتایا کہ ملزم نےبچی سےگھر کی چھت پرزیادتی کی تھی ، جس کے بعد بچی کےماموں کی مدعیت میں زیادتی کامقدمہ درج کیا گیا تھا۔
انچارج انوسٹی گیشن کا کہنا تھا کہ بچی کے والد اور گرفتارملزم آپس میں رشتہ دارہیں، بچی رشتےداروں کے گھر رہنے کیلئے آئی تھی، جہاں اسے زیادتی کا نشانہ بنایا گیا۔
مہدی کاظمی نے مزید بتایا کہ ملزم کوگرفتار کرکےانویسٹی گیشن سیل منتقل کردیا گیا ہے۔
یاد رہے رواں ماہ ہی کراچی کے علاقے اسٹیل ٹاؤن سومار گوٹھ میں 8 سالہ بچی سے مبینہ زیادتی کے ملزم کو پولیس نے چند گھنٹوں کی کارروائی کے بعد گرفتار کرلیا تھا۔
پولیس کا کہنا تھا کہ ملزم نے گھر کی چھت پر سوتی بچی کو اٹھا کر خالی گھر میں لے جاکر مبینہ زیادتی کا نشانہ بنایا تھا۔
