ملتان : پولیس نے نجی کالج میں بچیوں سے زیادتی کرنے والے ملزم کو گرفتار کرلیا، ملزم طالبات کو انٹری ٹیسٹ میں پاس کروانے اور شادی کا جھانسہ دے کر زیادتی کا نشانہ بناتا تھا۔
تفصیلات کے مطابق صوبہ پنجاب کے شہر ملتان میں نجی کالج میں بچیوں سے زیادتی کا بڑا سکینڈل سامنے آگیا، جس کے بعد پولیس نے کارروائی کرتے ہوئے نجی کالج میں بچیوں سے زیادتی کرنے والے ملزم کو گرفتار کرلیا۔
ملزم سلمان الوحید نجی کالج میں پڑھنے والی طالبات کو انٹری ٹیسٹ میں پاس کروانے ، نوکری دلوانے کے بہانے اور شادی کا جھانسہ دے کر زیادتی کا نشانہ بناتا تھا۔
حکام کا کہنا ہے کہ بچیوں سے زیادتی کرنےوالا ملزم نجی کالج میں ہی ملازم تھا، ملزم طالبات کو بلیک میل کرکے رقم کا تقاضا بھی کرتا تھا۔
پولیس نے گرفتار ملزم کے خلاف تھانہ گلگشت میں مقدمہ درج کرلیا ہے۔
