چارسدہ: 12 جون کو قیدیوں کی گاڑی سے فرار ہونے والا ملزم ولی محمد پولیس مقابلے میں ہلاک ہوگیا۔
تفصیلات کے مطابق چارسدہ میں چند روز قبل قیدیوں کی گاڑی سے فرار ہونے والے ملزم ولی محمد پولیس مقابلے میں ہلاک ہوگیا۔
پولیس کا کہنا ہے کہ ملزم ولی محمد کو 12 جون کو چار سدہ کی عدالت پیشی کے لیے لایا گیا تھا، پیشی کے بعد مردان جیل واپسی پر ملزم قیدیوں کی گاڑی سے چھلانگ لگا کر فرار ہوا تھا جس کے بعد غفلت برتنے پر ڈی پی او نے 7 پولیس اہلکاروں کو معطل کیا تھا۔
- Advertisement -
پولیس کے مطابق قائد آباد میں آج ملزم کی موجودگی پرپولیس نے چھاپہ مارا، پولیس کو دیکھتے ہی ملزم نے فائرنگ کی، پولیس کی جوابی فائرنگ سے ملزم ولی محمد ہلاک ہوا۔
پولیس کا مزید کہنا تھا کہ ملزم ولی محمد پر تھانہ سٹی چارسدہ میں قتل اور اقدام قتل سمیت دیگر سنگین مقدمات درج تھے۔
