شیخوپورہ : صوبہ پنجاب کے شہر شیخوپورہ میں بچی سے زیادتی کا مطلوب ملزم مبینہ مقابلے میں مارا گیا، ملزم نے 6 روز پہلے بچی کو زیادتی کے بعد قتل کیا تھا۔
تفصیلات کے مطابق شیخوپورہ کے علاقے نوکھر قدیم میں چھاپے کے دوران مقابلہ ہوا، ملزمان نے گرفتاری سے بچنے کے لیے پولیس اہلکاروں پرفائرنگ کردی۔
ترجمان پولیس کا کہنا ہے کہ ملزم اپنے ہی ساتھیوں کی گولی لگنے سے ہلاک ہوا، ملزم نے 6 روز پہلے بچی کوزیادتی کے بعد قتل کیا تھا۔
قصور، زیادتی کے بعد قتل ہونے والی ننھی پری زینب سپرد خاک
خیال رہے کہ زیادتی کے بعد قتل ہونے والی سات سالہ کمسن بچی زینب کو گزشتہ روز آہوں اور سسکیوں کے ساتھ سپرد خاک کردیا گیا۔
- Advertisement -
یاد رہے کہ زینب کے والدین عمرےکی سعادت کے لئے سعودیہ عرب میں تھے کہ خالہ کے گھر مقیم کمسن زینب کو پانچ روز پہلے اغوا کیا گیا تھا، جس کے بعد سفاک درندوں نے بچی کو زیادتی نشانہ بنا کر قتل کردیا۔
قصورمیں گذشتہ ڈیڑھ سال کے دوران بچیوں کواغواکےبعد قتل کرنے کا یہ دسواں واقعہ ہے اور پولیس ایک بھی ملزم کو گرفتار کرنے میں ناکام ثابت ہوئی ہے۔
