کراچی میں پولیس نے جعلی سرکاری دستاویزات اور تعلیمی اسناد بنانے والے ملزم کو گرفتار کرکے اس کے دفتر سے واکی ٹاکی سیٹ اور لیپ ٹاپ برآمد کرلیا۔
اے آر وائی نیوز کے مطابق لیاری میں جعلی سرکاری دستاویزات اور تعلیمی اسناد بنائے جانے کا انکشاف ہوا ہے، خفیہ اطلاع پر رینجرز اور پولیس نے مشترکہ کارروائی کرتے ہوئے ملزم ارسلان کے دفتر پر چھاپہ مار کر جعلی سرکاری دستاویزات اور تعلیمی اسناد بنانے والے کو گرفتار کرلیا۔
پولیس کے مطابق ملزم ارسلان کے دفتر سے واکی ٹاکی سیٹ اور لیپ ٹاپ کے علاوہ مختلف سرکاری محکموں کی جعلی دستاویزات برآمد ہوئی ہیں۔
پولیس نے بتایا کہ ملزم پہلے جعلی دستاویز بنانے کیلئے پہلے لوگوں سے بھاری رقم بٹورتا تھا پھر جعلی دستاویزات بنا کر انہیں بلیک میل بھی کرتا تھا۔
Comments
- Advertisement -
