The news is by your side.

Advertisement

شہریوں کو کچلنے والے ٹینکر ڈرائیور کو فرار کرانے کا الزام، ٹریفک اہلکار بے گناہ قرار

کراچی : انکوائری افسر نے ٹریفک حادثے میں قتل کرنے والے ٹینکر ڈرائیور کو فرار کرانے کے واقعے میں ٹریفک پولیس اہلکار کو کلین چٹ دے دی۔

تفصیلات کے مطابق شہر قائد میں ٹریفک حادثے کے دوران شہری کو کچلنے والے ٹینکر ڈرائیور کو فرار کرانے کا الزام ٹریفک اہلکار پر لگایا گیا تھا جس کےلیے اعلیٰ حکام کی جانب سے انکوائری کمیٹی تشکیل دی گئی تھی۔

انکوائری کمیٹی نے ٹریفک پولیس اہلکار کو کلین چٹ دیتے ہوئے بےگناہ قرار دے دیا، ساتھ ہی پولیس نے ویڈیو بناکر الزام عائد کرنے والے شخص کی تلاش شروع کردی۔

شہری نے ویڈیو بناکر ٹریفک کانسٹیبل پر ملزم فرار کرانے کا الزام لگایا تھا، ٹریفک پولیس اہلکار اختر کالونی سگنل پر ڈیوٹی کررہے تھے۔

نکوائری کمیٹی نے دعویٰ کیا کہ اہلکار حادثے کے 8 منٹ بعد وقوعہ پر پہنچے تھے، اہلکاروں کے پہنچنے سے قبل ہی واٹر ٹینکر ڈرائیور فرار ہوچکا تھا۔

انکوائری کمیٹی افسر نے کہا کہ سی سی ٹی وی فوٹیج نے بھی اہلکاروں کے بے گناہ ہونے کی تصدیق کی ہے جبکہ ویڈیو بنانے والا انکوائری کے سامنے بیان بھی ریکارڈ کراسکتا ہے۔

کمیٹی کا کہنا ہے کہ معاملے سے متعلق رپورٹ جلد ڈی آئی جی ٹریفک کو ارسال کی جائے گی۔

خیال رہے کہ شہر قائد میں پیش آنے والے خوفناک ٹریفک حادثے 3 بہن بھائی جاں بحق ہوگئے تھے۔

Comments

یہ بھی پڑھیں