کراچی میں 2 عالم دین کو قتل کرنے والے ملزم کو 4 بار سزائے موت دینے کا حکم دیا گیا ہے۔
انسداددہشت گردی کی عدالت نے گلشن اقبال میں 2عالم دین کو قتل کرنے کے مقدمہ کا فیصلہ سناتے ہوئے ملزم سید محسن عرف طلحہ عرف پاگل کو 4 بار سزائے موت اور زین العابدین عرف سنی کو 4 مرتبہ عمرقید کی سزا سنائی گئی ہے۔
دونوں ملزمان کو غیرقانونی اسلحہ رکھنے پر 5،5 سال قید اور 50،50 ہزار جرمانہ بھی کیا گیا ہے۔
عدالت نے ملزم محسن عباس کو 40 لاکھ روپے بطور ہرجانہ مقتولین کے اہل خانہ کو دینے کا حکم دیا ہے۔ ہرجانے کی عدم ادائیگی پر ملزم کو ایک سال قید کی سزا مزید بھگتنا ہو گی۔
ملزمان پر مفتی غلام اکبر اور مفتی کامران حسین کو قتل کرنے کا الزام ہے۔ عدالت نے سیدعباس حسین عرف عاشر اور عباس جعفری کو بری کر دیا۔
