The news is by your side.

Advertisement

نوشہرہ میں کمسن بچی کو زیادتی کے بعد قتل کرنیوالا ملزم گرفتار

پشاور: خیبرپختونخوا کے ضلع نوشہرہ میں کمسن بچی کو زیادتی کے بعد قتل کرنے والے ملزم کو گرفتار کرلیا گیا۔

اے آر وائی نیوز کی رپورٹ کے مطابق خیبرپختونخوا کے ضلع نوشہرہ میں 6 سالہ بچی سیما کو زیادتی کے بعد اینٹوں کے وار سے قتل کرنے والے ملزم کو گرفتار کرلیا گیا۔

ذرائع کے مطابق نوشہرہ کے گاؤں حمزہ رشکئی میں تین روز قبل لاپتا ہونے والی 6 سالہ بچہ سیما کی بوری بند لاش گزشتہ روز ویران پولٹری فارم سے برآمد ہوئی تھی۔

ڈی پی او نوشہرہ کیپٹن ریٹائرڈ نجم الحسنین کے مطابق ملزم نے جرم کا اعتراف کرلیا ہے، ملزم بچی کا پڑوسی ہے، ملزم نے شناخت چھپانے کے لیے بچی کو قتل کیا۔

ڈی پی او کا کہنا ہے کہ بچی کی تلاش میں ملزم بھی رشتے داروں کے ساتھ ساتھ تھا، ملزم کے کپڑے اور دیگر شواہد بھی فرانزک لیب بھجوا دئیے گئے ہیں۔

پولیس نے بتایا کہ بچی کے گھر کے آس پاس کئی افراد سے پوچھ گچھ کی اور گھروں کی تلاشی لی، ایک گھر سے دھلے ہوئے کپڑے ملے جس پر نشانات موجود تھے۔

ملزم سید علی عرف جانان حمزہ رشکہ کو شامل تفتیش کیا گیا تو اس نے دوران تفتیش اپنے جرم کا اعتراف کرلیا، پولیس کے مطابق بچی کی لاش کو پوسٹ مارٹم کے لیے اسپتال منتقل کردیا گیا ہے۔

Comments

یہ بھی پڑھیں