اسلام آباد: انسداد پولیو پروگرام کے حکام کا کہنا ہے کہ پولیو مہم میں مطلوبہ ہدف حاصل کر لیا۔
انسداد پولیو پروگرام کے مطابق پولیو مہم میں مطلوبہ ہدف حاصل کر لیا، مہم میں 94 فیصد بچوں کو قطرے پلائے گئے ہیں،مہم کے دوران سماجی فاصلے کا خیال رکھا گیا۔
پولیو مہم کراچی، فیصل آباد، اٹک، جنوبی وزیرستان اور کوئٹہ میں چلائی گئی، پولیو ورکرز کو مہم سے پہلے کرونا سے بچاؤ کے لیے تربیت دی گئی۔
انسداد پولیو پروگرام کے مطابق پولیو مہم پرامن طریقے سے مکمل ہوئی، سیکورٹی اداروں نے پرامن انعقاد میں بھرپور کردار ادا کیا،آئندہ بھی اہداف کے حصول میں تعاون کی امید ہے۔
ترجمان قومی انسداد پولیو پروگرام کا کہنا ہے کہ رواں سال اگست اور ستمبر میں بڑے پیمانے پر تیار ی ہو رہی ہے،اکتوبر، نومبر اور دسمبر میں قومی مہمات شروع ہوں گی۔
Comments
- Advertisement -
