سائفر کیس کا فیصلہ آنے پر تحریک انصاف نے ردعمل میں کہا ہے کہ بانی پی ٹی آئی اور شاہ محمود کی بریت کے فیصلے پر اللہ کا شکر ادا کرتے ہیں۔
ترجمان پی ٹی آئی رؤف حسن نے بیان میں کہا کہ پہلے توشہ خانہ پر ریاستی بیانیے کے پرخچے اڑے اب نکاح کیس بھی ختم ہوچکا ہوتا اگر اپیلیں نئے جج کومنتقل نہ کی جاتیں۔
سائفر کیس : بانی پی ٹی آئی اور شاہ محمود قریشی کو بری کردیا گیا
انہوں نے کہا کہ بانی پی ٹی آئی کیخلاف 203 مقدّمات کا انجام یہی ہےجو آج سائفر کیس کا ہوا ان شاء اللہ سب کیسز ایک روز ردّی کی ٹوکری میں جائیں گے، عدلیہ سےدرخواست ہے بانی سمیت تمام سیاسی قیدیوں کیخلاف مقدّمات نمٹائے جائیں۔
سائفر کیس میں بانی پی ٹی آئی اور شاہ محمود قریشی کی سزا کالعدم قرار دیتے ہوئے بری کردیا گیا۔
اسلام آباد ہائی کورٹ نے سائفر کیس کا فیصلہ سناتے ہوئے بانی پی ٹی آئی اور شاہ محمود قریشی کی سزا کالعدم قرار قرار دے دی۔
