The news is by your side.

Advertisement

ملک بھر میں ٹڈی دل کے وار، تازہ صورت حال سامنے آگئی

اسلام آباد: نیشنل ڈیزاسٹر مینجمٹ اتھارٹی(این ڈی ایم اے) نے کہا ہے کہ اس وقت ملک کے 52 اضلاع میں ٹڈی دل موجود ہے، ٹڈیوں کے وار سے سب سے زیادہ بلوچستان متاثر ہوا ہے۔

تفصیلات کے مطابق ترجمان این ڈی ایم اے کا کہنا ہے کہ بلوچستان کے 31، خیبرپختونخوا میں 10، پنجاب میں 5 اور سندھ میں 6 اضلاع ٹڈی دل سے متاثر ہیں، ٹڈیوں سے متاثرہ علاقوں کا سروے اور کنٹرول آپریشن جاری ہے۔

’ملک میں 1102 ٹیمیں آپریشن میں حصہ لے رہی ہیں، 24گھنٹے میں 3لاکھ 63 ہزار ہیکٹر رقبے کا سروے ہوا، 4900 ہیکٹر رقبے کا ٹڈی مار ادویات سے ٹریٹمنٹ کیا گیا، بلوچستان میں 3200 ہیکٹر رقبہ پر اسپرے ہوچکا ہے‘۔

ٹڈی دل کےخاتمے کی مہم، وزیراعلیٰ پنجاب نے اپنا ہیلی کاپٹر وقف کردیا

ترجمان این ڈی ایم اے کے مطابق پنجاب میں 200 ہیکٹر پراسپرے کیا گیا، خیبرپختونخوا میں 800ہیکٹر رقبے کی ٹریٹمنٹ کی گئی، سندھ میں گزشتہ روز 700 ہیکٹر رقبہ ٹریٹ کیا گیا جبکہ مزید اقدامات کا سلسلہ جاری ہے۔

ملک میں جمموعی طور پر 4لاکھ 92 ہزار ہیکٹر رقبے پر اسپرے کا عمل مکمل کیا جاچکا ہے۔

خیال رہے کہ کچھ دیگر قبل بلوچستان کے مختلف شہروں میں ٹڈیوں نے تیارپھلوں پر حملہ کردیا جس سے سبی، لورلائی اور خضدار میں موجود تیار فصلیں تباہ ہورہی ہیں۔

fb-share-icon0
Tweet 20

Comments

comments

یہ بھی پڑھیں