شوبز انڈسٹری کے ابھرتے ہوئے اداکار فضل حسین کا کہنا ہے کہ عینا آصف کو اردو پڑھنی نہیں آتی۔
اے آر وائی زندگی کے پروگرام ’دی نائٹ شو ودھ ایاز سموں‘ میں اداکار فضل حسین اور عینا آصف نے شرکت کی اور میزبان کی جانب سے پوچھے گئے مختلف سوالات کے جوابات دیے۔
عینا آصف نے کہا کہ ’پہلے مجھے اسکرپٹ کی لائنز یاد نہیں ہوتی تھیں اب ہوجاتی ہیں۔‘
فضل حسین نے انہیں روکتے ہوئے کہا کہ ’کیا اب ہوجاتی ہیں، ان کے ساتھ کام کریں آپ کو پتا چل جائے گا، اردو پڑھنی نہیں آتی، میں سیٹ پر بتا رہا ہوتا ہوں۔‘
عینا آصف نے کہا کہ ’ہاں اردو میری کمزور ہے لیکن فضل کو اردو پڑھنی آتی ہے پر اسکرپٹ کی لائنز یاد نہیں ہوتیں۔‘
فضل حسین نے مسکراتے ہوئے کہا کہ ’یہ جو لوگوں کو لگ رہا ہے کیا دونوں کی کیمسٹری ہے اس کے پیچھے دیکھیں میں نے کتنا خون جلایا ہے۔
واضح رہے کہ اے آر وائی ڈیجیٹل کے ڈرامہ سیریل ’بے بی باجی‘ میں فضل حسین ’ولید‘ کا کردار ادا کررہے ہیں جبکہ عینا آصف (سمن) کے روپ میں جلوہ گر ہیں۔
