ممبئی: معروف بالی ووڈ اداکار آصف بسرا ہماچل پردیش کے ضلع کنگرا میں واقع گھر میں مردہ حالت میں پائے گئے۔
بھارتی میڈیا رپورٹس کے مطابق بھارتی اداکار آصف بسرا نے خودکشی کرلی، وہ ہماچل پردیش کے ضلع کنگرا کے علاقے دھرم شالا میں واقع گھر میں مردہ حالت میں پائے گئے۔
بھارتی اداکار نے فلم کائی پوچی اور فریکی علی میں اداکاری کے جوہر دکھائے تھے، آصف بسرا ویب سیریز پائل لوک، رنگ باز میں بھی مرکزی کردار ادا کرچکے ہیں۔
پولیس کا کہنا ہے کہ جائے وقوعہ سے شواہد اکٹھے کیے جارہے ہیں، واقعے کی مزید تحقیقات جاری ہیں۔
Asif Basra! Can't be true… This is just very, very sad.
— Hansal Mehta (@mehtahansal) November 12, 2020
رپورٹ کے مطابق آصف بسرا گزشتہ پانچ برس سے مذکورہ گھر میں کرائے پر رہائش پذیر تھے اور ان کی لاش وہیں لٹکی ہوئی پائی گئی۔
آصف بسرا کی مشہور فلموں میں جب ویب میٹ، ونس اپون اے ٹائم ان ممبئی، کرش تھری، ایک ولن اور دیگر شامل ہیں۔
بھارتی اداکار کی موت کی وجہ فی الحال سامنے نہیں آئی، پولیس اس حوالے سے تحقیقات کررہی ہے، آصف بسرا کی اچانک موت پر بالی ووڈ شخصیات نے گہرے دکھ اور حیرانی کا اظہار کیا ہے۔
