The news is by your side.

Advertisement

معصوم چہرے پر شاندار تاثرات، اداکار بابر علی کی بیٹی چھا گئیں، ویڈیو وائرل

کراچی: پاکستان کی فلم انڈسٹری پر راج کرنے والے اداکار بابر علی کی اپنی صاحبزادی کے ساتھ سوشل میڈیا پر ویڈیو وائرل ہوگئی۔

انٹرنیٹ پر وائرل ہونے والی پندرہ سیکنڈ ویڈیو میں دیکھا جاسکتا ہے کہ بابر علی اپنی صاحبزادی زینب کے ساتھ موجود ہیں جس میں اُن کی بیٹی معصوم سے چہرے پر شاندار تاثرات لاکر اداکاری کے جوہر دکھا رہی ہے۔

اداکار کی بیٹی کے ساتھ ویڈیو کو صارفین نے بہت سراہا اور زینب کو منفرد تاثرات پر خوب داد بھی دی۔

یاد رہے کہ بابر علی کا شمار اُن اداکاروں میں ہوتا ہے جنہوں نے لالی ووڈ انڈسٹری کو کامیاب فلمیں دیں۔ اداکار کے تین بچے جن میں دو بیٹیاں اور بیٹا ہے۔

حیران کن طور پر بابر علی نے اپنے بچوں کو اب تک میڈیا انڈسٹری سے دور رکھا تھا یہی وجہ ہے کہ اُن کی اہل خانہ کے ساتھ زیادہ تصاویر بھی سامنے نہیں آئیں۔

یہ بھی یاد رہے کہ بابر علی نے گریجویشن تک تعلیم مکمل کر کے چھوٹی اسکرین سے اپنے کیریئر کا آغاز کیا تھا جس کے بعد وہ پی ٹی وی پر 1995 میں نشر ہونے والے ڈرامے ’لبیک‘ میں عرب کے فوجی کا کردار ادا کرتے نظر آئے تھے، بعد ازاں انہوں نے فلم انڈسٹری میں قدم رکھا اور لالی ووڈ میں بہت سی کامیاب فلمیں دیں۔

Comments

comments

یہ بھی پڑھیں