بالی ووڈ فلم انڈسٹری کی معروف اداکارہ اور چندی گڑھ کی رکن پارلیمنٹ کرن کھیر کورونا وائرس میں مبتلا ہوگئیں۔
سماجی رابطے کی ویب سائٹ ٹوئٹر پر کرن کھیر نے مداحوں کو کورونا وائرس میں مبتلا ہونے کی اطلاع دی اور لکھا کہ کورونا ٹیسٹ مثبت آیا ہے لہٰذا جو لوگ بھی میرے ساتھ رابطے میں تھے براہ کرام اپنا کورونا ٹیسٹ کروالیں۔
اس سے قبل کرن کھیر 2021 میں بلڈ کینسر کی ایک قسم مائیلوما کی تشخیص ہوئی تھی تاہم وہ صحت یاب ہوگئی تھیں۔
I have tested positive for Covid. So anyone who has come in contact with me please get yourself tested.
— Kirron Kher (@KirronKherBJP) March 20, 2023
واضح رہے کہ کرن کھیر رئیلٹی شو انڈیاز گاٹ ٹیلنٹ میں بطور جج فرائض انجام دے چکی ہیں۔
اداکارہ بالی ووڈ کی متعدد فلموں میں ماں کا کردار نبھا چکی ہیں، بلاک بسٹر فلم دیو داس میں بھی کرن کھیر نے ایشوریا رائے کی والدہ کا کردار نبھایا تھا۔
ان کی مشہور فلموں میں رنگ دے بسنتی، دوستانہ، میں ہوں نا ودیگر شامل ہیں۔
کرن کھیر اداکار انوپم کھیر کی اہلیہ ہیں، دونوں کی شادی 1985 میں ہوئی تھی۔ اس سے قبل کرن کھیر کی شادی گوتم بیری سے ہوئی تھی جن سے ان کا ایک بیٹا سکندر خان ہے۔
