پاکستانی اداکار سلمان ثاقب شیخ عرف مانی نے معاشی بحران کے پیشِ نظر نوجوان سوشل میڈیا صارفین کے نام اہم ویڈیو پیغام جاری کر دیا۔
انسٹا گرام پر گردش کرنے والے ویڈیو کلپ میں مانی کہہ رہے ہیں: ’نوجوان سوشل میڈیا صارفین کی غیرت کو سلام ہے کہ وہ ہر معاملے پر آواز اٹھاتے ہیں، شوبز شخصیات کی پوسٹوں پر گہری نظر رکھتے ہیں‘۔
مزید پڑھیں: ملک اللہ کے واسطے عمران خان کے حوالے کر دو، مانی
مانی نے کہا: ’ان نوجوانوں کے لیے خبر ہے کہ ہمارا روپیہ ڈی ویلیو ہوچکا ہے اور ملک دیوالیہ ہونے کے قریب ہے، امریکی ڈالر 250 روپے سے اوپر چلا گیا، پاکستان سے الگ ہونے والے بنگلادیش کی کرنسی ہم سے بہتر ہے، افغانستان کا پاسپورٹ پاکستانی پاسپورٹ سے اوپر چلا گیا‘۔
مانی نے نوجوانوں کو مخاطب کرتے ہوئے سوال اٹھایا: ’آپ کی غیرت اس معاملے میں کہاں ہے؟ آپ کی غیرت کیوں نہیں جاگ رہی؟ دیگر مسائل بھی ہیں مگر یہ مسئلہ اہم ہے، سوچو اور اپنی غیرت کو جگاؤ، یہ ملک کی بقا کا مسئلہ ہے‘۔
View this post on Instagram
