پاکستانی اداکارہ نادیہ حسین نے انکشاف کیا ہے کہ انڈسٹری میں جن فنکاروں کے نخرے زیادہ ہوتے ہیں، انہیں کام بھی زیادہ ملا کرتا ہے۔
پاکستان کی معروف اداکارہ و ماڈل نادیہ حسین نے ایک انٹرویو میں گفتگو کرتے ہوئے کہا کہ چ’ جب میں شوبز انڈسٹری میں آئی تھی تو اس وقت فنکار سمیت پوری پروڈکشن ٹیم کا احترام بہت ضروری سمجھا جاتا تھا۔
ادکارہ کا کہنا تھا کہ ’ لیکن اب شوبز انڈسٹری کا ماحول بہت تبدیل ہوگیا ہے جو فنکار زیادہ نخرے کرے اسے ہی کام کی آفر بھی زیادہ ملتی ہے، پروڈکشن ہاؤسز اداکاروں کے منفی سلوک کو برداشت کرلیتے ہیں اور اس طرح سے معاملات مزید بگڑ رہے ہیں۔
واضح رہے کہ نادیہ حسین نے اے آر وائی ڈیجیٹل کے ڈرامہ سیریل ’جلن‘ میں اداکاری کے جوہر دکھائے تھے جس کی کاسٹ میں عماد عرفانی، اریبہ حبیب، فہد شیخ، منال خان، حاجرہ یامین ودیگر شامل تھے اب اداکارہ بہت کم ڈراموں پر نظر آتی ہیں۔
