The news is by your side.

فیفا ورلڈ کپ: نورا فتیحی کی میچ کے دوران رقص کی ویڈیو وائرل

دوحہ: بالی وڈ کی نامور اداکارہ و ڈانسر نورا فتیحی فیفا ورلڈ کپ 2022 کے ’فین فیسٹیول‘میں پرفارم کرنے کے لیے قطر پہنچ گئیں۔

نورا فتیحی نے انسٹا گرام پر اپنی ایک ویڈیو شیئر کی جس میں وہ پرتگال اور یوراگوئے کے درمیان میچ کے دوران گراؤنڈ میں موجود ہیں۔

اس موقع پر فیفا کے آفیشل ترانے پر نورا فتیحی خود کو روک نہ سکیں اور جھوم اٹھیں۔ انہوں نے اس پر رقص کیا اور بے حد خوش نظر آئیں۔

نورا فتیحی پہلی بھارتی فنکار ہیں جو فیفا کے آفیشل میوزک ویڈیو کا حصہ بنی ہیں۔ ورلڈ کپ کی اختتامی تقریب میں اداکارہ نہ صرف پرفارم کریں گی بلکہ گانا بھی گائیں گی۔

ویڈیو کے کیپشن میں نورا فتیحی نے لکھا کہ وہ لمحہ جب آپ اسٹیڈیم میں اپنی ہی آواز سنتے ہیں۔ یہ بالکل ایک خواب کی طرح تھا۔

اداکارہ نے مزید لکھا کہ اپنے آپ پر یقین رکھیں اور کبھی کسی کو یہ نہ کہنے دیں کہ آپ نہیں کر سکتے، بہت سے لوگ شروع میں مجھ پر ہنسے تھے لیکن میں آج اس مقام پر ہوں اور یہ تو ابھی شروعات ہے۔

 

View this post on Instagram

 

A post shared by Nora Fatehi (@norafatehi)

Comments

یہ بھی پڑھیں