The news is by your side.

Advertisement

“پہلی سی محبت” اداکار شبیر جان کے بارے میں مایا علی نے کیا کہا ؟

کراچی : اے آر وائی ڈیجیٹل کی نئی ڈرامہ سیریل “پہلی سی محبت” میں مرکزی کردار ادا کرنے والی مایا علی کا کہنا ہے کہ شبیرجان جیسے سینئر اداکار کے ساتھ کام کرنا میری خواہش تھی جو پوری ہوئی۔

اے آر وائی ڈیجیٹل کے پروگرام گڈ مارنننگ پاکستان میں گفتگو کرتے ہوئے مایاعلی نے بتایا کہ شبیر جان واقعی بہت بڑے اداکار ہیں جن سے ہم بہت کچھ سیکھ سکتے ہیں۔

انہوں نے کہا کہ شبیر جان کو نہ صرف اپنے بلکہ ساتھی فنکاروں کے ڈائیلاگ بھی یاد رہتے ہیں اور کہیں غلطی کرنے یا مکالمہ بھول جانے پر وہ ہماری تصحیح بھی کرتے ہیں۔

اداکارہ مایہ علی نے بتایا کہ اسی طرح شہر یار منور بھی ڈرامے کے اسکرپٹ کو پڑھ کر اسے یاد رکھتے ہیں، بعض مرتبہ احساس ہوتا ہے کہ ہم اتنے برے ایکٹر ہیں کہ ہمیں اپنے ڈائیلاگ بھی یاد نہیں رہتے۔

مزید پڑھیں : ”پہلی سی محبت“ ڈرامہ آپ کے دلوں کو چھولے گا، مایا علی

یاد رہے کہ ڈرامہ سیریل” پہلی سی محبت “کی پہلی قسط کل بروز ہفتہ کی رات8بجے اے آر وائی ڈیجیٹل پر پیش کی جائے گی۔ڈرامہ کی ہدایت کاری کے فرائض انجم شہزاد نے انجام دئیے ہیں جبکہ اس کی مصنفہ فائزہ افتخار ہیں۔

ڈرامے” پہلی سی محبت” کی کاسٹ میں شہریار منور، مایا علی، شبیر جان، حسن شہریار یاسین، نوشین شاہ رابعہ بٹ، صبا فیصل ودیگر شامل ہیں۔

Comments

یہ بھی پڑھیں