پاکستان شوبز انڈسٹری کے معروف اداکار ٹیپو شریف کے والد کا انتقال ہوگیا۔
اداکار ٹیپو شریف نے فوٹو اینڈ شیئرنگ ایپ انسٹا کے ذریعے اپنے والد کے انتقال کی افسوسناک خبر سے مداحوں کو آگاہ کیا ہے۔
اداکار نے اپنے آفیشل انسٹاگرام ہینڈل کی اسٹوری میں بتایا کہ اُن کے والد، اُن کے دوست اکرام بھٹی خالقِ حقیقی ، سے جا ملے ہیں، اداکار نے اس مشکل وقت میں اپنے دوستوں اور چاہنے والوں سے اُن کے والد کی مغفرت کے لیے دُعاؤں کی درخواست بھی کی۔
ٹیپو شریف نے اسٹوری پر بتایا کہ اُن کے والد کی نمازِ جنازہ آج عصر کی نماز کے بعد کراچی کے علاقے کلفٹن کی ابوبکر صدیقؓ مسجد میں ادا کی جائے گی۔
دوسری جان مداحوں اور شوبز انڈسٹری سے وابستہ فنکاروں نے ٹیپو کے والد کے انتقال کی خبر پر گہرے دُکھ کا اظہار کیا جارہا ہے۔
واضح رہے کہ اداکار ٹیپو شریف نے اپنے کیریئر کے دوران کئی پاکستانی ڈراموں میں اداکاری کے جوہر دکھائے ہیں، رپورٹ کے مطابق اداکار کے والد پاکستانی ہیں جبکہ اُن کی والدہ ترک خاتون ہیں اور ان کا پورا نام سید یورگچ ٹیپو شریف ہے۔
