شوبز انڈسٹری کی معروف اداکارہ اشنا شاہ نے شوہر حمزہ امین کے ہمراہ عمرے کی سعادت حاصل کرلی۔
فوٹو اور ویڈیو شیئرنگ ایپ انسٹاگرام پر اداکارہ اشنا شاہ نے خانہ کعبہ کے صحن سے تصاویر شیئر کرتے ہوئے مداحوں کو عمرے کی سعادت حاصل کرنے کی اطلاع دی۔
تصاویر میں اشنا شاہ کو اسکارف اور حمزہ امین کو احرام پہنے خوشگوار موڈ میں دیکھا جاسکتا ہے۔
اشنا شاہ نے خانہ کعبہ میں نے مظلوم فلسطینیوں کے لیے دعا کی اور لکھا کہ ’اپنے فلسطینی بھائیوں اور بہنوں کو دل اور دعاؤں میں ہمیشہ یاد رکھنا، اپنے گھروں سے جلا وطن ہوئے اور 75 سال سے زائد عرصے تک نسل پرستی کو برداشت کرنے کے بعد ایک وحشیانہ نسل کشی سے گزر رہے ہیں جو ان کی نسل کا قتل عام کررہی ہے، امید ہے وہ آخرکار آزاد ہوجائیں، آمین۔
اداکارہ نے بتایا کہ یہ شوہر حمزہ امین کا پہلا عمرہ تھا جس کے لیے ان کو بہت بہت مبارک ہو۔
View this post on Instagram
اشنا شاہ کو عمرے کی سعادت حاصل کرنے پر ساتھی اداکاروں اور مداحوں کی جانب سے مبارک باد دی جارہی ہے۔
واضح رہے کہ اس سے قبل اشنا شاہ اسرائیلی بربریت کے خلاف مظلوم فلسطینیوں کے حق میں آواز بلند کرتی رہی ہیں اور انہوں نے فلسطین کی حمایت میں نکالی جانے والی ریلی میں بھی شرکت کی تھی۔
View this post on Instagram
اشنا شاہ اور حمزہ امین رواں سال 27 فروری کو رشتہ ازدواج میں منسلک ہوئے اور ان کی شادی کی تصاویر وائرل ہوگئی تھیں۔