The news is by your side.

Advertisement

مجھ پر جادو کرادیا گیا، شدید خوف وہراس میں ہوں، اداکارہ میرا

لاہور : معروف پاکستانی اداکارہ میرا نے کہا ہے کہ مجھ پر جادو کرادیا گیا ہے، میرے اسٹیج ڈرامے کے دوران فائرنگ کے واقعے کے بعد سے خوف میں مبتلا ہوں۔

یہ بات انہوں نے گزشتہ روز میڈیا کو جاری ایک بیان میں کہی، انہوں نے انکشاف کرتے ہوئے کہا کہ میرے پیرو مرشد نے بتایا ہے کہ کچھ لوگ ہیں جو مجھ پر جادو کروا رہے ہیں۔

اداکارہ میرا نے کہا کہ جو لوگ شروع سے میرے دشمن ہیں وہ میرے خلاف غلط خبریں پھیلانے میں کبھی پیچھے نہیں رہے وہ لوگ آج بھی سرگرم ہیں۔

معروف اداکارہ نے کہا ہے کہ جب سے میرے شو کے دوران فائرنگ کا واقعہ ہوا ہے میں شدید خوف وہراس کا شکار ہوں اور گھر سے نکل نہیں پا رہی۔

یاد رہے کہ گزشتہ دنوں پنجاب کے بڑے صنعتی شہر فیصل آباد میں سبینہ تھیٹر کے باہر اداکارہ میرا کے اسٹیج ڈرامے کے دوران نامعلوم موٹر سائیکل سوار فائرنگ کر کے فرار ہو گئے تھے۔

فائرنگ کے نتیجے میں گاڑیوں کے شیشے ٹوٹ گئے تھے اور علاقے میں خوف و ہراس پھیل گیا تھا، فائرنگ کے وقت اداکارہ میرا بھی اسٹیج پر موجود تھیں۔

واضح رہے کہ اس سے قبل گزشتہ سال بھی اداکارہ میرا نے اداکارہ ریما خان پر الزام عائد کرتے ہوئے کہا تھا کہ انہوں نے مجھ پر جادو کرایا ہے جس کی وجہ سے آج تک میری شادی نہیں ہوئی۔

انہوں نے بتایا کہ جب میں نئی نئی فلم انڈسٹری میں آئی تو اداکارہ ریما کے بارے میں مشہور تھا کہ وہ جادو کراتی ہیں ،ریما سے کام کے دوران بھی میری لڑائیاں ہو چکی تھیں۔

Comments

یہ بھی پڑھیں