کراچی: پاکستانی ڈرامہ انڈسٹری کی معروف اداکارہ علیزے شاہ کی انسٹاگرام پوسٹ سوشل میڈیا پر وائرل ہوگئی۔
شوبز سے جڑی شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس پر مختلف ویڈیوز اور تصاویر شیئر کرتی ہیں جن کا مقصد مداحوں کو اپنی روزمرہ مصروفیات سے متعلق آگاہ رکھنا ہوتا ہے، مداح بھی اپنے پسندیدہ فنکار کی تصاویر اور ویڈیوز کو پسند کرتے ہیں۔
اداکارہ علیزے شاہ نے سماجی رابطے کی ویب سائٹ انسٹاگرام پر تصویر شیئر کی، اداکارہ نے سفید ٹی شرٹ اور نیلی جینز زیب تن کی ہوئی ہے، مداحوں کی جانب سے اداکارہ کی پوسٹ کو خوب سراہا جارہا ہے۔
علیزے شاہ نے پوسٹ کے کیپشن میں لکھا کہ ’میں محبت کے معاملے میں بہت بُری ہوں۔‘
واضح رہے اس سے قبل علیزے شاہ نے انسٹاگرام پر اپنے نئے فوٹو شوٹ کی تصاویر پوسٹ کی تھی، مداحوں نے تصاویر پر پسندیدگی کا اظہار کیا تھا۔
یاد رہے اداکارہ علیزے شاہ نے اے آر وائی ڈیجیٹل کے ڈرامے ’میرا دل میرا دشمن‘ میں شاندار اداکاری کی تھی، ڈرامے میں ان کے ہمراہ نعمان سمیع، یاسر نواز ودیگر بھی موجود تھے۔
