پاکستانی خوبرو اداکارہ اریبہ حبیب کی جانب سے سوشل میڈیا پر اپنی شادی کے مہینے سے متعلق آگاہ کردیا۔
سوشل میڈیا انسٓٹاگرام پر اریبہ حبیب کی گزشتہ دنوں ایک ویڈیو خوب وائرل ہوئی تھی جس میں وہ ڈرامہ شوٹنگ کے دوران دلہن بنے بیٹھی تھیں۔
اس دوران ساتھی اداکار کی جانب سے ویڈیو بنانے پر اریبہ حبیب نے کیمرے میں منہ چڑایا تھا اور عجیب و غریب شکلیں بھی بنائی تھیں، ان کی یہ ویڈیو انٹرنیٹ پر خوب وائرل ہوئی تھی۔
View this post on Instagram
یہ وائرل ہوتی ویڈیو اریبہ حبیب نے بھی اپنے انسٹا گرام اکاؤنٹ پر شیئر کی اور ساتھ میں لکھا کہ ’اُن کے اندر کی خطرناک دُلہن جاگ گئی ہے۔‘
اس ویڈیو پر معروف اداکارہ و سپر ماڈل نادیہ حسین نے کمنٹ کرتے ہوئے اریبہ حبیب سے پوچھا کہ اُن کا شادی کا دعوت نامہ کہاں ہے؟
جس پر جواب دیتے ہوئے اریبہ حبیب نے لکھا کہ آپ کو شادی کا دعوت نامہ دسمبر میں مل جائے گا۔
اریبہ حبیب کے اس کمنٹ سے اُن کے مداح و فالوورز کافی خوش نظر آ رہے ہیں، اریبہ حبیب کے شادی سے متعلق کیے گئے کمنٹ پر مداح اُنہیں اچھے مستقبل کی خوب دعائیں بھی دے رہے ہیں۔
یاد رہے کہ اریبہ حبیب کی بات پکی کی رسم رواں برس ماہِ اگست میں ہوئی تھی، جس کے بعد اب اداکارہ نے شادی کی تیاریوں کا باقاعدہ آغاز کردیا ہے۔
View this post on Instagram
اریبہ حبیب نے مداحوں کو یہ نہیں بتایا تھا کہ اُن کی شادی کی تقریبات کا آغاز آخر ہوگا کب۔
اداکارہ نے اس سے قبل بات پکی کی رسم سے منگیتر اور والدہ کے علاوہ دیگر خواتین کے ہمراہ تصاویر شیئر کی تھیں۔
