The news is by your side.

Advertisement

’’حنا میری بیٹی نہیں بیٹا ہے‘‘اداکارہ والد کے ذکر پر آبدیدہ

کراچی: پاکستانی شوبز انڈسٹری کی معروف اداکارہ ایک انٹرویو کے دوران والد کے ذکر پر جذبات پر قابو نہ رکھتے ہوئے افسردہ ہوگئیں۔

تفصیلات کے مطابق ڈرامہ انڈسٹری کی معروف اداکارہ حنا الطاف نے انکشاف کیا کہ ’میرا اور والد کے درمیان ایک وقت میں بہت اختلاف رہا لیکن جب والد کی سرجری ہوئی تو میں نے سنا کہ وہ کسی کو بتارہے تھے کہ سرجری کے سارے اخراجات حنا نے ادا کیے ہیں وہ میری بیٹی نہیں بیٹا ہے۔‘

حنا الطاف نے بتایا کہ والد کا کہنا تھا کہ ’میرے دو بیٹے اور بھی ہیں لیکن حنا میرا تیسر ا بیٹا ہے، یہ میرا کندھا ہے سب سے مضبوط کندھا۔‘

اداکارہ نے کہا کہ ’والد کے یہی الفاظ میری سب سے بڑی کامیابی ہے اور مجھے لگتا ہے کہ کسی بھی لڑکی کے لیے زندگی کی سب سے بڑی کامیابی یہی ہے جب وہ فولادی طریقے سے اپنے والد کے پیچھے کھڑی ہوجائے، ایک ایسے وقت میں جب وہ کندھے کمزور پڑ جائیں تو آپ کو ہونا چاہیے کہ نہیں میں ہی ادھر ہوں۔

حنا نے کہا کہ ’مجھے لگتا ہے کہ والد کا جو ایک جملہ تھا کہ حنا میری بیٹی نہیں میرا بیٹا ہے اس چیز نے مجھے اندر سے بہت مضبوط بنادیا، ان کے یہی جملے میرے لیے سب کچھ ہیں۔

واضح رہے کہ رواں سال مئی میں حنا الطاف اور اداکار آغا علی رشتہ ازدواج میں منسلک ہوئے، اداکارہ نے پوسٹ شیئر کرتے ہوئے لکھا تھا کہ ’آج ہم نے ایک دوسرے وعدہ کیا ہے کہ ہمارا تعلق خوشی، ہنسی، ایمانداری اور بھروسے کا ہے۔

 

View this post on Instagram

 

A post shared by Hina Aagha (@hinaaltaf)

Comments

یہ بھی پڑھیں