اداکارہ کبریٰ خان نے نہتے فلسطینیوں کی بہیمانہ شہادت پر اظہار مذمت کرتے ہوئےصیہونی فورسز کی بمباری کو فلسطینیوں کی نسل کشی قرار دے دیا۔
فلسطینیوں پر جاری صیہونی فورسز کے حملوں کی شوبز انڈسٹری سے تعلق رکھنے والے افراد بھی شدید الفاظ میں مذمت کررہے ہیں، خوبرو اداکارہ کبریٰ خان نے بھی صیہونی بربریت پر صدائے احتجاج بلند کردی ہے۔
کبریٰ خان نے ویڈیو شیئرنگ اپیلی کیشن انسٹاگرام پر ایک تصویر شیئر کی، جس میں فلسطینی پرچم کے رنگ کی کچھ تتلیاں اڑتی ہوئی دکھائی گئی ہیں۔
انہوں نے تصویر کے ساتھ کیپشن دیا کہ ’روزانہ فلسطینی شہریوں پر ڈھائے گئے مظالم، خونریزی اور معصوموں کا قتل عام دیکھ کر میرا دل ٹوٹ جاتا ہے‘۔
View this post on Instagram
اداکارہ کا کہنا تھا کہ ’نہتے فلسطینیوں پر فضائی حملے کرنا جنگ نہیں، نسل کشی اور ظلم ہے‘۔
کبریٰ خان نے جنوبی افریقا کے سماجی کارکن ڈیسمونڈ توتو کا قول بھی شیئر کیا ہے کہ ’اگر آپ ناانصافی کی صورتحال میں غیر جانبدار ہیں تو آپ بھی ظالم کے ساتھ ہیں‘۔
اسرائیل کی وحشیانہ بمباری، 20 منٹ میں 40 فضائی حملے، 213 شہادتیں
واضح رہے کہ غاصب ریاست اسرائیل کی بمباری کے نتیجے میں اب تک 213 سے زائد فلسطینی شہید جبکہ 1442 زخمی اور 10 ہزار سے زائد افراد بے گھر ہوچکے ہیں۔
