ممبئی: بالی وڈ کی نامور اداکارہ کریتی سنن کی یکے بعد دیگرے دو فلمیں ریلیز کے لیے تیار ہیں جن کا مداح شدت سے انتظار کر رہے ہیں۔
بھارتی میڈیا کے مطابق کریتی سنن بہت جلد فلم ’بھیڑیا‘ اور ’آدی پورش‘ میں بڑی اسکرین پر نظر آئیں گی۔ یہ پروجیکٹس اداکارہ کے بڑے اور سب سے زیادہ انتظار کیے جانے والے ہیں۔
انہوں نے آج ’آدی پورش‘ کا پہلا پوسٹر انسٹا گرام پر شیئر کرتے ہوئے بتایا کہ فلم کا ٹریلیر 2 اکتوبر کو ریلیز کیا جائے گا۔ جبکہ ساتھ ہی اداکارہ نے ’بھیڑیا‘ کا ٹریلیر جاری کیا۔
View this post on Instagram
’بھیڑیا‘ رواں سال 25 نومبر جبکہ ’آدی پورش‘ 12 جنوری 2023 کو سنیما گھروں کی زینت بنے گی۔ کریتی سنن فلموں کی کامیابی پر ڈبل جشن منائیں گی۔
نامور اداکارہ کو دونوں پروجیکٹس کے حوالے سے زبردست پذیرائی مل رہی ہے۔ مداحوں نے جس طرح کی محبت کا اظہار کیا ہے اس سے لگتا ہے کہ دونوں فلمیں ہٹ ہوں گی۔
View this post on Instagram
کریتی سنن کو فلم ’میمی‘ میں مرکزی کردار نبھانے پر خوب سراہا گیا جبکہ حال ہی میں انہیں بہترین اداکاری پر فلم فیئر ایوارڈ سے نوازا گیا۔
