بھارتی ڈرامہ انڈسٹری کی معروف اداکارہ رشمیریکھا اوجھا کی لاش گھر سے برآمد ہوئی ہے۔
بھارتی میڈیا رپورٹس کے مطابق ریاست اوڑیسا سے تعلق رکھنے والی 23 سالہ اداکارہ رشمیریکھا اوجھا بھوہانشیور میں واقع اپنے کرائے کے گھر میں مردہ پائی گئیں ان کی لاش کے قریب سے ایک خودکشی نوٹ بھی ملا ہے۔
پولیس نے شبہ ظاہر کیا ہے کہ یہ خودکشی نوٹ اداکارہ نے ہی لکھا تھا۔
خودکشی نوٹ میں اداکارہ نے لکھا کہ ’ان کی موت کے لیے کسی کو ذمہ دار نہیں ٹھہرایا جائے‘ تاہم اداکارہ کی مبینہ طور پر خودکشی کی وجہ معلوم نہیں ہوسکی ہے۔
رشمیرریکھا کے والد کا کہنا ہے کہ انہیں بیٹی کی موت کی اطلاع دوست سنتوش دی تھی جبکہ ہمیں مالک مکان سے معلوم ہوا کہ ستنوش اور رشمی ساتھ رہتے تھے۔
اداکارہ کے والد نے الزام عائد کیا ہے کہ بیٹی کی موت میں ان کے دوست سنتوش پاترا ملوث ہیں۔
پولیس کا کہنا ہے کہ پوسٹ مارٹم رپورٹ آنے کے بعد موت کی وجہ معلوم ہوسکے گی جس کے بعد مزید تحقیقات کی جائیں گی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں