پاکستان فلم انڈسٹری کی معروف اداکارہ ریشم نے ہدایت کار سید نور پر ان کا کیرئیر ختم کرنے کا سنگین الزام عائد کردیا۔
پاکستان فلم انڈسٹری کی معروف اداکارہ ریشم نے حال ہی میں ایک پوڈ کاسٹ میں شرکت کی جہاں انہوں نے اداکاری چھوڑنے سے متعلق گفتگو کرتے ہوئے کہا کہ ہدایت کار سید نور نے صائمہ جی کی محبت میں میرا کیرئیر تباہ کرنے کی کوشش کی۔
View this post on Instagram
اداکارہ ریشم نے کہا کہ سید نور نے میں نے اپنے پیروں پر کلہاڑی مار لی، ہر اَیری غَیری فلم کرلی، ہاں میں نے کی، لیکن یہ بتائیں انڈسٹری میں کس نے نہیں کی؟، ثابت کریں کہ کس نے برا کام نہیں کیا، میں تو تسلیم کرتی ہوں کہ میں نے برا کام کیا ہے لیکن یہ لوگ نہیں مانتے، پیروں پر کلہاڑی میں نے نہیں آپ نے (سید نور نے) ماری ہے۔
اداکارہ کا کہنا ہے کہ میرے مزاج کے ہدایت کار صرف سید نور تھے، انہوں نے فیوریٹ ازم کی وجہ سے مجھے کام دینا بند کر دیا، کیونکہ انہیں صائمہ جی سے محبت ہوگئی تھی، محبت تو انسان کو کسی سے بھی ہوسکتی ہے لیکن کام میں اس طرح کوئی نہیں کرتا۔
ریشم کا کہنا تھا کہ مجھے اگر کوئی یہ نتائے کہ مجھے کس کے ساتھ کام کرنا ہے اور کس کے ساتھ نہیں تو پھر میں اپنے کام کے ساتھ مخلص تو نہیں ہوا، مجھے نقصان پہنچایا گیا، خدا کی قسم مجھے سید نور نے نقصان پہنچایا۔
ریشم کے کا کہنا ہے کہ مجھے مختلف پروجیکٹس میں سائن کیا گیا اور کیمیو کردار دیا گیا، مجھے کہا گیا کہ فلم میں آپ کا اور صائمہ کا کردار برابر ہوگا، لیکن فلم میں میرے گانے کم کر دیئے گئے، جب فلم میں ایک ہیرؤن کی مانگ زیادہ ہے، تو آپ اسے کیسے نقصان پہنچا سکتے ہیں۔
اداکارہ نے فلم ’دل کچ دا کھڈونا‘ کے سیٹ پر پیش آںے والا قصہ بھی سنایا اور کہا کہ جب سید نور سے بات کرنی چاہئی تو انہوں نے مجھے فلم کے سیٹ پر بےعزت کیا اور کہا تمہاری فلم دیکھنے کون آئے گا؟۔
اداکارہ ریشم نے مزید کہا کہ لیکن پھر اسی وقت ایک صاحب آئے اور سید نور سے اسی فلم کے حوالے سے، جس پر انہوں نے مجھے بے عزت کیا تھا، کہا کہ سید صاحب ریشم کو اس کا ایڈوانس دیں، سید نور نے مجھے اسی پنجابی فلم میں بہت نقصان پہنچایا۔
