شوبز شخصیات کی جانب سے مداحوں کے ساتھ وقتاً فوقتاً رابطے میں رہنے کے لیے سماجی رابطے کی ویب سائٹس پر تصاویر اور ویڈیو شیئر کی جاتی ہیں جن کا مقصد مداحوں کے ساتھ اپنی زندگی کے خوبصورت لمحات کو شیئر کرنا ہوتا ہے، مداح بھی اپنے پسندیدہ فنکار کے بارے میں جاننے کے لیے بے چین رہتے ہیں۔
حال ہی میں شادی کے بندھن میں بندھنے والی معروف پاکستانی اداکارہ سجل علی نے شادی کے بعد خوبصورت تصاویر شیئر کی جو وائرل ہوگئیں۔
تصاویر میں دیکھا جاسکتا ہے کہ سجل علی اپنے شوہر احد رضا میر کے ساتھ خوشگوار موڈ میں دکھائی دے رہی ہیں اور کچھ تصویر میں وہ اپنی بہن اداکارہ صبور علی کے ساتھ موجود ہے، ایک تصویر میں وہ کرونا وائرس کے سبب چہرے کو ماسک سے ڈھانپے ہوئی ہیں۔
واضح رہے کہ اس سے قبل سجل علی کا ایک پیغام میں کہنا تھا کہ لوگ کرونا وائرس وبائی امراض سے محفوظ رہیں اور حکومتی کی جانب سے کیے جانے والے لاک ڈاؤن پر عمل کریں۔
ان کا کہنا تھا کہ لوگوں کو 20 سیکنڈ تک ہاتھ دھونے ہیں، دوسروں سے زیادہ سے زیادہ فاصلہ رکھنا ہے، انہوں نے صحیح اقدامات اٹھانے میں حکومت کی حمایت کرنے کا مشورہ بھی دیا۔
خیال رہے کہ سجل علی حال ہی میں معروف اداکار احد رضا میر کے ساتھ رشتہ ازدواج میں منسلک ہوئی ہیں، ان کی بہن صبور علی نے سجل علی کی شادی کے بعد تصویر شیئر کی تھیں جو سوشل میڈیا پر وائرل ہوگئی تھیں۔