The news is by your side.

Advertisement

اداکارہ سارہ کے گھر ننھی پری کی آمد

کراچی: پاکستانی ڈرامہ انڈسٹری کی معروف اداکارہ سارہ رضی خان کے گھر ننھی پری کی پیدائش ہوئی ہے۔

تفصیلات کے مطابق اداکارہ سارہ رضی نے گھر بیٹی کی پیدائش ہوئی ہے، سارہ رضی کی بہن عریشہ رضی نے انسٹاگرام پر بھانجی کو اٹھائے تصویر شیئر کرتے ہوئے یہ خوشخبری مداحوں کو سنائی۔

عریشہ رضی نے اپنی پوسٹ میں لکھا کہ ’اللہ کے فضل سے ہماری فیملی میں اضافہ ہوا ہے، میں ایک خوبصورت سی ننھی شہزادی کی حالہ بن گئی ہوں۔‘

عریشہ نے بتایا کہ سارہ رضی کے ہاں ننھی بیٹی کی پیدائش 30 اگست کو ہوئی ہے

اداکارہ عریشہ رضی نے بہن سارہ رضی کو ٹیگ کرتے ہوئے بیٹی کی پیدائش پر مبارک باد بھی دی۔

واضح رہے کہ سارہ رضی 2018 میں اپنے کزن عمیر سے رشتہ ازدواج میں منسلک ہوئی تھیں، جوڑے کے ہاں پہلے بچی کی پیدائش پر ساتھی فنکاروں اور مداحوں کی جانب سے مبارک باد دی جارہی ہے۔

ساتھی فنکاروں نے نومولود کی صحت اور مستقبل کے لیے نیک خواہشات کا اظہار کیا۔

Comments

یہ بھی پڑھیں