The news is by your side.

Advertisement

وہ اداکارائیں جنہیں پلاسٹک سرجری کراکے پچھتانا پڑا

معروف ہالی ووڈ اور بالی ووڈ اداکاراؤں نے اپنے چہرے کی پلاسٹک سرجری کرانے کے بعد اسے اپنا غلط فیصلہ قرار دیا ہے۔

شوبز انڈسٹری میں خوبصورتی کو مزید چار چاند لگانے کی خواہش میں چہرے کی پلاسٹک سرجری کرانا معمول ہوگیا ہے اور کئی اداکارائیں یہ کام انجام دے چکی ہیں لیکن قدرت کے کام میں دخل انسان کو نقصان بھی پہنچا دیتا ہے جیسا کہ زیر نظر اداکارائیں جنہیں پلاسٹک سرجری کرانے کے بعد اپنے اس عمل پر پچھتاوا ہوا ہے۔

اگر ہم بات کریں ہالی ووڈ کی تو ان میں شامل ہیں ایک امریکن سپر ماڈل بیلا حدید ۔

بیلا حدید جنہوں نے کم عمری میں ہی اپنی ناک کی سرجری کرائی تھی لیکن اب اس پر انہیں پچھتاوا ہوتا ہے۔ ایک انٹرویو میں بیلا حدید نے 14 سال کی عمر میں ناک کی سرجری کروانے پر افسوس کا اظہار کرتے ہوئے کہا کہ کاش میں نے سرجری نہ کرائی ہوتی اور اپنے آباؤ اجداد کی جانب سے ملنے والے خدوخال کے ساتھ چھیڑ چھاڑ نہ کی ہوتی۔

بات ہو بالی ووڈ یعنی بھارتی فلم انڈسٹری کی تو یہاں تو ایسی اداکاراؤں کی قطار لگی ہے جو پلاسٹک سرجری سے اپنے خدوخال تبدیل کرا چکی ہیں لیکن اب ان میں سے کئی معروف اداکارائیں اس پر پچھتا رہی ہیں۔

بھارتی فلم انڈسٹری میں پلاسٹک سرجری کرانے کا سب سے زیادہ نقصان پریانکا چوپڑا کو اٹھانا پڑا جس کا اعتراف انہوں نے اپنی ایک کتاب میں کیا ہے۔

 

پریانکا چوپڑا نے لکھا ہے کہ انہوں نے اپنی ناک کی سرجری کرائی تھی لیکن ڈاکٹر کی غلطی کی وجہ سے ان کی ناک کی ہڈی خراب ہوگئی اس کے بعد وہ جب بھی آئینہ دیکھتی تھیں تو انہیں اپنا چہرہ کسی اجنبی کا چہرہ لگتا تھا اور انہیں اپنے اس نئے چہرے سے مانوس ہونے میں کئی سال لگے۔ ایک خبر کے مطابق پریانکا کی سرجری خراب ہونے کی وجہ سے ان کے ہاتھ سے 7 فلمیں بھی نکل گئی تھیں۔

اداکارہ انوشکا شرما کا شمار بھی انہیں اداکاراؤں میں ہوتا ہے جنہوں نے سرجری کرانے کے بعد افسوس سے ہاتھ ملے۔

اداکارہ انوشکا شرما نے ایک فلم کیلیے اپنے ہونٹوں کی سرجری کرائی تھی۔ ابتدا میں تو انہوں نے سرجری کرانے کی تردید کی لیکن بعد میں خود ہی انہوں نے سرجری کرانے کا اعتراف یہ کرتے ہوئے کیا مجھے اپنے اس عمل پر افسوس ہے لیکن میں چاہتی تھی میں میرے مداح اس بات کو جانیں کہ میں انسان ہوں پرفیکٹ نہیں۔

بھارتی اداکارہ اور ڈانسر کوئینا مترا کو بھی پلاسٹک سرجری کراکے پریانکا جیسے خوفناک تجربے کا سامنا کرنا پڑا۔

کوئینا مترا نے ایک انٹرویو میں بتایا کہ ان کی ناک کی سرجری خراب ہوگئی تھی اور رپورٹس کے مطابق سرجری کے بعد اداکارہ کی ناک کی ہڈی پر سوجن آگئی تھی جسے ٹھیک کرانے کیلیے کوئینا کو مزید سرجریاں کرانے کے عمل سے گزرنا پڑا۔

Comments

یہ بھی پڑھیں