اسلام آباد : پاکستانی معیشت کے لئے اچھی خبر آگئی ، ایشیائی ترقیاتی بینک نے پاکستان کے لئے 40 کروڑ ڈالر کا اعلان کردیا۔
تفصیلات کے مطابق ایشیائی ترقیاتی بینک نے پاکستان کے لیے 40 کروڑ ڈالر کی منظوری دے دی۔
اس حوالے سے اعلامیے میں کہا کہ رقم سیلاب سے متاثرہ مکانات کی تعمیر نو پر خرچ کی جائے گی، رقم کامقصدسندھ کے سیلاب سے متاثرہ اضلاع میں مکانات کی تعمیرنو ہے۔
اے ڈی بی کا کہنا تھا کہ بینک نے 2022 کے سیلاب کے بعد پاکستان کیلئے1.5 ارب ڈالر کی فراہمی کا اعلان کیا تھا، رقم کمیونٹی انفراسٹرکچر ، ذریعہ معاش بہتر بنانے کیلئے بھی خرچ کی جائے گی.
اعلامیے میں کہا گیا کہ 2023سے2025تک مجموعی طور پر1.5 ارب ڈالر کی رقم پاکستان کودی جائے گی، بینک کی جانب سے فراہم رقم سیلاب سے ریکوری کیلئے منصوبوں پر استعمال ہو گی۔
بینک نے کہا کہ منصوبے کے تحت 2 لاکھ 50 ہزار گھروں کیلئے تعمیراتی کام ہو سکے گا جبکہ پینے کیلئےپانی کی سہولت،ایک لاکھ گھروں متبادل انرجی ریسورسز کیلئے رقم خرچ ہو سکے گی۔
اعلامیے کے مطابق زراعت،اسمال انٹرپرائزز،ای کامرس کیلئے بھی رقم خرچ کی جا سکے گی اور سندھ ایمرجنسی ہاؤسنگ پراجیکٹ منصوبے کیلئے فنڈزکا استعمال کیا جائے گا۔
اے ڈی بی نے بتایا کہا کہ منصوبے سےسیلاب متاثرین کے گھروں کو دوبارہ تعمیر کرنے میں مدد ملے گی اور ڈھائی لاکھ سیلاب متاثرین کوگھروں کی تعمیر کیلئےنقدامداد فراہم کی جائے گی۔
